लामिछानेसहित चारजनालाई अदालतमा उपस्थित गराइयो 

काठमाडौं, कात्तिक २५ : सहकारी ठगी प्रकरणमा पक्राउ परेका राष्ट्रिय स्वतन्त्र पार्टी (रास्वपा) का सभापति एवम् पूर्व गृह मन्त्री रवि लामिछानेलाई आइतबार काश्की जिल्ला अदालत उपस्थित गराइएको छ ।

लामिछानेलाई प्रहरीले चौथो पटक कास्की जिल्ला अदालतमा उपस्थित गराएको हो । गत कात्तिक २ गते लामिछाने काठमाडौंस्थित रास्वपाको पार्टी कार्यालयबाट पक्राउ परेका थिए । सूर्यदर्शन सहकारीको रकम गोर्खा मिडियामा लगेर अपचलन गरेको आरोपमा उनी पक्राउ परेका हुन् ।

लामिछाने गोर्खा मिडियामा पूर्वप्रबन्ध निर्देशक रहेका बेला सूर्यदर्शन सहकारीको रकम दुरुपयोग गरेको आरोप छ । प्रहरीले लामिछानेसँगै सहकारी ठगी प्रकरणमा प्रहरी थुनामा रहेका पूर्वडीआईजी छविलाल जोशी, जीवी राइका साझेदार नेचर हब्र्सका सञ्चालक रामबहादुर खनाल र लिला पछाईंलाई पनि जिल्ला अदालत काश्कीमा उपस्थित गराइएको छ ।