कीतिपुरको मेयरमा महर्जनलाई उठाउने माओवादी निर्णय
महर्जन २०७९ वैशाख ३१ गते भएको स्थानीय तहको निर्वाचनमा पनि कीर्तिपुर नगरपालिकाको मेयरमा उठेर पराजित भएका थिए ।
काठमाडौं, कात्तिक २० : प्रमुख प्रतिपक्षी दल नेकपा माओवादी केन्द्रले काठमाडौँको कीर्तिपुर नगरपालिकाको मेयर पदको उपनिर्वाचनका लागि प्रा.डा. शिवशरण महर्जनलाई उठाउने निर्णय गरेको छ ।
माओवादी कीर्तिपुर नगर कमिटीको बैठकले महर्जनलाई उम्मेदवार बनाउने निर्णय गरेको हो । महर्जन २०७९ वैशाख ३१ गते भएको स्थानीय तहको निर्वाचनमा पनि कीर्तिपुर नगरपालिकाको मेयरमा उठेर पराजित भएका थिए ।
नेपाली कांग्रेसबाट मेयरमा निर्बाचित बनेका राजकुमार नकर्मीको निधनपछि उपनिर्वाचन हुन थालेको हा । कांग्रेसले मेयर, उपमेयरसहित ९ वटा वडाध्यक्ष पदमा चुनाव जितेको थियो ।
प्रकाशित मिति: १४:१४ बजे, मंगलबार, कात्तिक २०, २०८१
प्रतिक्रिया दिनुहोस्
थप समाचार
