प्रधानमन्त्री ओलीलाई चीन भ्रमणको निम्तो 

काठमाडौं, कात्तिक २० : प्रधानमन्त्री केपी शर्मा ओलीलाई चिनियाँ प्रधानमन्त्री ली छ्याङले डिसेम्बर पहिलो साता चीन भ्रमणको निम्तो पठाएका छन् । 

चिनियाँ प्रधानमन्त्री ली छ्याङले आगामी २–६ डिसेम्बर (मंसिर १७–२१) मा प्रधानमन्त्री ओलीलाई चीन भ्रमणको निम्तो पठाएका हुन् । चिनियाँ प्रधानमन्त्रीले मिति नै तोकेर भ्रमणको निम्तो पठाएको प्रधानमन्त्रीको सचिवालय स्रोतले जनाएको छ । 

गत असार ३१ गते प्रधानमन्त्रीमा नियुक्त भएपछि ओलीको यो पहिलो आपचारिक विदेश भ्रमण हो ।