सुख्खा पहिरो झर्दा जयपृथ्वी राजमार्ग अवरुद्ध
सडक अवरुद्ध भएपछि जिल्ला सदरमुकाम चैनपुरबाट छुट्ने र भित्रिने लामो तथा छोटो दुरीका सवारी साधन चल्न सकेका छैनन्।बझाङ, भदौ २० : बझाङको जयपृथ्वी राजमार्गमा सुख्खा पहिरो झर्दा सडक अवरुद्ध भएको छ।
आज बिहान ७ बजेदेखि तमैल बजार नजिकै सुख्खा पहिरो झरेपछि राजमार्ग अवरुद्ध भएको हो। सडक अवरुद्ध भएपछि जिल्ला सदरमुकाम चैनपुरबाट छुट्ने र भित्रिने लामो तथा छोटो दुरीका सवारी साधन चल्न सकेका छैनन्।
बिहानै पाँच वटा बस मात्र सदरमुकामबाट छुटेको बस व्यवसायी जोगबहादुर दौल्यालले जानकारी दिए। उनले बिहान बझाङबाट धनगढी, काठमाडौं, महेन्द्रनगर, डडेल्धुराका लागि छुटेका केही बस मात्र पार भएको र बाँकी सबै बस रोकिएको बताए।
सडक खुलाउन केदारस्यूँ गाउँपालिकाको झोताबाट जेसिबी आएको तर, पहिरो नरोकिँदा खुलाउन नसकेको प्रमुख जिल्ला अधिकारी विश्वामित्र कुइँकेलले जानकारी दिए। पहिरो रोकिएपछि मात्रै सडक खुलाउन सकिने उनले बताए।
प्रकाशित मिति: १३:०७ बजे, बिहीबार, भदौ २०, २०८१
प्रतिक्रिया दिनुहोस्
थप समाचार
एनआरएन विवादमा मिसिल झिकाउने आदेशसोमबार, भदौ ३१, २०८१
कैदी फरार भएपछि छानबिन गर्न चार सदस्यीय समिति गठनसोमबार, भदौ ३१, २०८१
रवि लामिछानेले निर्दोष छु भन्दै हिँड्न मिल्दैन : डा.महतसोमबार, भदौ ३१, २०८१
प्रधानमन्त्री ओली र भारतीय समकक्षी मोदीबीच न्यूयोर्कमा भेटघाटका लागि प्रस्तावसोमबार, भदौ ३१, २०८१