सुदुरपश्चिम नाउपा संसदीय दलको नेताबाट घनश्याम हटाइए, खुशीरामलाई जिम्मेवारी

कैलाली, साउन १ : नागरिक उन्मुक्ति पार्टीका बहुमत प्रदेश सभा सदस्यले सुदूरपश्चिम प्रदेश संसदीय दलको नेताबाट घनश्याम चौधरीलाई हटाएका छन्।

चौधरीलाई दलको नेताबाट हटाएपछि हाल प्रमुख सचेतक रहेका खुशीराम डगौरा थारुलाई जिम्मेवारी दिने निर्णय भएको छ। संसदीय दलको नेता रहेका घनश्याम रेशम चौधरी निकट हुन्।

नाउप सुदूरपश्चिम प्रदेश संदीय दलमा रहेका ७ जनामध्ये चार जना प्रदेश सभा सदस्य संलग्न बैठकले चौरधीलाई संसदीय दलको नेताबाट हटाएको हो।

केन्द्रमा भएको सरकार फेरबदलपछि सुदूरपश्चिम प्रदेशमा रञ्जिता श्रेष्ठ पक्षका प्रदेश सभा सदस्यसहितले बहुमत जुटाएर घनश्याम चौधरीलाई दलको नेताबाट हटाएका हुन्।