जलमग्न बन्यो विराटनगर

मोरङ, असार १२ : अविरल वर्षाका कारण विराटनगर बुधबार जलमग्न भएको छ। मंगलबार रातिदेखि अविरल वर्ष भएपछि महानगरका १९ वटै वडा डुबेका छन्।

डुबानका कारण विराटनगर क्षेत्रका अधिकांश विद्यालय बन्द बुधबार भएकाछन् ।

पानीको निकास राम्रोसँग नहुँदा वर्षातमा हरेकवर्ष विराटनगर डुबानमा पर्दै आएको छ। घरको भुइतल्लामा २ फिटसम्म पानी जमेको बताइएको छ।

महानगरको वडा नं १५, १६, १७ र १८ का मिल्स एरिया, लंका, दरैया, दामागिरी र स्लामपुर सहितका बस्ती डुबानले बढी प्रभावित भएको बताइएको छ।