सुनको मूल्य तोलामा ६ सय बढ्यो

काठमाडौं, असार ६ : केही दिन लागतार स्थिर रहेको सुनको मूल्य बिहीबार भने बढेको छ।

नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोला ६ सय रुपैयाँले बढेको छ।

आज नेपाली बजारमा छापावाल सुन प्रतितोला एक लाख ४२ हजार ८ सय रुपैयाँमा कारोबार भइरहेको छ। बुधबार छापावाल सुन प्रतितोला एक लाख ४२ हजार २ सय रुपैयाँमा कारोबार भएको थियो।

तेजाबी सुन प्रतितोला एक लाख ४२ हजार १ सय रुपैयाँमा कारोबार भइरहेको महासंघले जनाएको छ।

चाँदीको मूल्य तोलामा ३५ रुपैयाँ बढेर एक हजार ८४० रुपैयाँमा पुगेको महासंघले जनाएको छ ।