फेरि घट्यो सेयर बजार

काठमाडौं, फागुन १४ : सेयर बजार फेरि ओरालो लागेको छ । सोमबार ७.४१ अंकले बढेको सेयर बजार मंगलबार पुनः ७.१७ अंकले घटेको हो । मंगलबार नेप्से परिसूचक एक हजार एक सय दुई अंकमा आइपुगेको छ ।

आज ६ लाख ५३ हजार २८ कित्ता सेयर कारोबार भएको छ । जसमा कारोबार रकम खुम्चिएर १६ करोड ५६ लाख ७२ हजार दुई सय ८५  रुपैयाँ बराबरको मात्रै सेयर कारोबार भएको छ ।

मंगलबार सबै समूहको कारोबार घटेको हो । सबैभन्दा बढी माथिल्लो तामाकोशीको सेयर कारोबार भएको छ भने दोस्रोमा नविल बैंकको सेयर कारोबार भएको छ ।