८४ किलो गाँजा बरामद

हेटौंडा, फागुन १४ : मकवानपुरमा ठूलो परिणाममा गाँजा बरामद गरिएको छ । जिल्ला प्रहरी कार्यालयले बरामद गरिएको गाँजा आज सार्वजनिक गरेको छ ।

प्रहरी निरीक्षक पवनकुमार झाको नेतृत्वमा गएको टोलीले राक्सिराङ गाउँपालिका–६ स्थित जीतबहादुर स्याङ्तानको घरमा लकाएर राखेको अवस्थामा ८४ किलो चारसय ग्राम गाँजा बरामद गरेको हो ।

जीतबहादुर फरार रहेको र उनको खोजी भइरहेको एसपी मुकेश सिंहले बताए । यस विषयमा थप अनुसन्धान भइरहेको जनाएको छ ।