सुहाङले बनाए फराकिलाे मतान्तर, खड्का र थेगिमबीच कडा टक्कर, मिलन निकै पछि

काठमाडौं, वैशाख १७ : इलाम २ मा एमालेका सुहाङ नेम्वाङले मतान्तरलाई झनै फराकिलाे बनाएका छन्। ३२ हजार १९४ मत गणना हुँदा उनले १३ हजार ६९ मत पाएका छन्।

दोस्रो स्थानमा रहेका नेपाली कांग्रेसका उम्मेदवार डम्बर खड्काले ८ हजार ३८६  प्राप्त गरेका छन्। उनीहरूबीचकाे मतान्तर ४ हजार ६८३ रहेकाे छ।

पहिचान पक्षधरको समर्थन पाएका स्वतन्त्र उम्मेदवार डकेन्द्र थेगिमले कांग्रेसलाई कडा टक्कर दिइरहेकाे छ। उनले ८ हजार ९८ मत ल्याएका छन्। खड्का र थेगिमबीचकाे मतान्तर २८८ मात्र रहेकाे छ। 

चाैथाे स्थानमा रहेर राष्ट्रिय स्वतन्त्र पार्टीका उम्मेदवार मिलन लिम्बुले १ हजार ७१३ मत ल्याएका छन् ।