महिला सशक्तिकरणका लागि चीनले विशेष भूमिका खेल्ने

संयुक्त राष्ट्रसंघ, चैत ३ : महिला र युवालाई सशक्त बनाउने संयुक्त राष्ट्र सङ्घको प्रयासमा चीनको सहयोग रहिरहने चिनियाँ अधिकारीले जनाएका छन्।
 
मार्च  २२ मा न्युयोर्कस्थित संयुक्त राष्ट्रसङ्घको मुख्यालयमा समापन हुने संयुक्त राष्ट्रसङ्घीय महिला आयोगको ६८औँ सत्रमा सहभागी चिनियाँ प्रतिनिधिमण्डलको नेतृत्व गर्दै चीनको बालबालिका र महिलासम्बन्धी राष्ट्रिय समितिको उपप्रमुख हुआङ जियाओवीले उक्त कुरा बताएका हुन्।   

राष्ट्र सङ्घीय सुरक्षा परिषद्मा द्वन्द्व रोकथाम प्रवद्र्धन–महिला  युवासहित अभिनेता सशक्तिकरण खुला बहसमा अशान्त अन्तर्राष्ट्रिय अवस्थामा महिला तथा युवाको सशक्तिकरणको महत्व रहेको उनले जोड दिए। बदलिँदो संसारमा राम्रो प्रतिक्रिया जनाउन तथा शान्ति र विकासलाई अगाडि बढाउन उनीहरूको ज्ञान र सम्भावना प्रयोग गर्नसमेत आग्रह गरेका छन्। 

चीनले महिला तथा युवाहरूको आर्थिक सशक्तिकरण क्षमता निर्माणलाई समर्थन गर्ने उनीहरूको शिक्षा र रोजगारीका अवसरहरू सुनिश्चित गरी विकासलाई बढावा दिई स्थायी शान्ति प्राप्त गर्न ठोस आधार तयार गर्न मद्दत गर्ने कुरामा उनले जोड दिए। 

चीन सधैँ महिला र युवाहरूको सशक्तिकरण र विकासका लागि दृढ र सक्रिय अभ्यासकर्ता रहेको उल्लेख गर्दै हुआङले कानुन, नीति र नयाँ नयाँ उपाय अपनाएर महिलालाई आर्थिक र सामाजिक विकासको फाइदा बाँड्ने सुनिश्चितताका लागि चीन प्रतिबद्ध रहेको बताए। 

चीनले चार  करोड ४० लाखभन्दा बढी चिनियाँ ग्रामीण महिलालाई चरम गरिबीबाट मुक्त गरेको बताउँदै चिनियाँ जनशक्तिमा ४० प्रतिशतभन्दा बढी, प्राविधिक कामदार ४५.८  प्रतिशत र डिजिटल व्यापार र लाइभ स्ट्रिमिङजस्ता नयाँ व्यापार मोडल सञ्चालन गर्नेमध्ये एक तिहाइ महिला जनशक्ति रहेको उनले बताए।  

ह्वाङगले चीनले युवाहरूको प्रगतिलाई ठूलो महत्व दिईएको बताउँदै उनीहरूको समग्र विकासमा समर्पित राष्ट्रिय योजनाहरू लागू र कार्यान्वयन गरेको तथा शिक्षा र रोजगारीका सम्बन्धमा २४० भन्दा बढी युवा समर्थक नीतिहरू रहेको बताएका छन्।  

राष्ट्रव्यापीरूपमा  १८७ भन्दा बढी चिनियाँ सहरहरूले युवाहरूद्वारा सञ्चालित सहरी विकासको अन्वेषण गर्न पहल गरेका छन्। वैज्ञानिक र प्राविधिक नवप्रवर्तन, ग्रामीण पुनः उत्थान तथा अन्तर्राष्ट्रिय सहयोगका लागि अधिक युवाहरू अग्रणी शक्ति बनिरहेका उनले बताए।