बाँकेमा बस र अटोरिक्सा ठोक्किँदा एकको मृत्यु

बाँके, फागुन २९ : बाँकेको नेपालगञ्ज–कोहलपुर सडकखण्डमा बस र अटोरिक्सा एकआपसमा ठोक्किँदा एकजनाको मृत्यु भएको छ।

भे१ख २१२९ नम्बरको बस र अटो बिहीबार बिहान कोहलपुरको ट्राफिक प्रहरी कार्यालय अगाडि ठोक्किँदा अटो चालकको घटनास्थलमै मृत्यु भएको जिल्ला प्रहरी कार्यालय बाँकेले जनाएको छ। मृतकको नाम र ठेगाना अझै खुल्न नसकेको प्रहरी नायब उपरीक्षक शिवबहादुर सिंहले जानकारी दिए।

दुर्घटनामा घाइते भएका दुई जनाको कोहलपुर मेडिकल कलेजमा उपचार भइरहेको छ। बसका चालकलाई नियन्त्रणमा लिएको प्रहरीले जनाएको छ।