बिहिबार, असोज १५, २०७७

विश्वभर एकैदिनमा झण्डै साढे २ लाख संक्रमित थपिए, निको हुनेको संख्या १ करोड ४ लाख नाघ्यो 

काठमाडौं, साउन १४ : गत २४ घण्टामा विश्वभर २ लाख ४७ हजारभन्दा धेरैमा कोरोना सङ्क्रमण पुष्टि भएको छ ।

केही समययता नयाँ बिरामी थपिने क्रम बढेकामा गएको २४ घण्टामा अहिलेसम्मकै धेरै बिरामी थपिएका वल्डोमिटरले जनाएको छ । यो सँगै विश्वभर सङ्क्रमितको सङ्ख्या १ करोड ६८ लाख ८३ हजार नाघेको छ ।

जसमध्ये १ करोड ४ लाख ४५ हजार मानिस उपचारपछि निको भएका छन् । पछिल्लो २४ घण्टामा विश्वमा ५ हजार ५ सय ५९ जनाको ज्यान गएको छ।

यो सँगै कुल मृतकको संख्या ६ लाख ६२ हजार नाघेको छ ।

गएको २४ घण्टामा सबैभन्दा धेरै संयुक्त राज्य अमेरिकामा ६१ हजार, भारतमा साढे ४९ हजार र ब्राजिलमा ४१ हजार नयाँ बिरामी थपिएका वल्डोमिटरले जनाएको छ । 
 

 Published Date: Wednesday, 29th July 2020 1:13:23 am