सोमबार, असोज १२, २०७७

भारतमा एकैदिन सर्वाधिक ३५ हजारभन्दा बढी कोरोना संक्रमित

काठमाडौं, साउन २ : भारतमा कोरोना संक्रमितको संख्यामा दिनानुदिन बृद्धि भईरहेको छ ।

शुक्रबार एकै दिन अहिलेसम्मकै सर्वाधिक ३५ हजारभन्दा बढी संक्रमित भएपछि नयाँ रेकर्ड कायम भएको छ । कोरोना भाइरसको संक्रमणले एकै दिन त्यहाँ ३५ हजार ४६८ संक्रमित थपिदा त्यहाँ कुल संक्रमितको संख्या १० लाख ५ हजार ६३७ पुगेको छ ।

यो संख्या विश्वकै तेस्रो धेरै हो भने एसियामा सबैभन्दा बढी हो । अहिलेसम्म संक्रमितमध्ये ६ लाख ३६ हजार ६०२ जना संक्रमणमुक्त भएका छन् भने ३ लाख ४३ हजार ४२६ जनाको उपचार भइरहेको छ ।

कोरोना संक्रमणकै कारण भारतमा पछिल्लो २४ घण्टामा ६८० जनाको मृत्यु भएपछि शुक्रबार बिहानसम्म ज्यान गुमाउनेको २५ हजार ६०९ पुगेको वर्ल्डोमिटर्सले जनाएको छ ।

 Published Date: Friday, 17th July 2020 1:08:23 am