मंगलबार, साउन २७, २०७७

राजधानी तेहरानको स्वास्थ्य क्लिनिकमा विस्फोट, १९ जनाको मृत्यु

तेहरान, असार १७ : इरानको राजधानी तेहरानस्थित एक स्वास्थ्य क्लिनिकमा भएको विस्फोट हुँदा १९ जनाको मृत्यु भएको छ। 

इरानी आपतकालीन सेवाका अनुसार मृत्यु हुनेहरुमा १५ जना पुरुष र ४ जना महिला रहेका छन्। प्रारम्भिक अनुसन्धानमा स्वास्थ्य उपचार गर्ने एक क्लिनिकको तल्लो तलामा राखिएका अक्सिजनका सिलिण्डर विस्फोट भएको हुनसक्ने अनुमान गरिएको छ। विस्फोटपछि आगलागि भएको थियो।

प्रहरी र उद्धारकर्मीले घटनास्थलबाट अरु घाइतेको उद्धार गरी अस्पताल लगेका थिए। उक्त घटनामा कुनै असामाजिक तत्वको संलग्नता रहे नरहेको बारेमा प्रहरीले अनुसन्धान पनि शुरु गरेको जनाएको छ। 

 Published Date: Wednesday, 1st July 13:12:40 PM