सोमबार, भदौ ३०, २०७६

असमका २० लाख वासिन्दा राज्यविहीन

दर्ता सूचिमा आफ्नो नाम हेर्दै स्थानीय महिला। | तस्वीर:एएफपी

असम, भदाै १८ : भारतकाे केन्द्र सरकारले विदेशी घुसपैठ छानेर निकाल्ने नयाँ प्रक्रिया थालनी गरेको छ। उत्तरपूर्वी भारतका २० लाख वासिन्दालाई नागरिकताको सूचिबाट हटाइएको छ। उनीहरू राज्यविहीन हुने भएका छन्।

नेसनल रेजिष्टर अफ सिटिजन्स (एनआरसी)मा तीन करोड ११ लाख समावेश गरिएको छ। औपचारिक वक्तव्यका अनुसार १९ लाखलाई अयोग्य घोषणा गरिएको छ। उनीहरूमध्ये धेरै जसो मुस्लिम भएको अनुमान गरिएकाे छ।

शाहीबुल हक शिक्दर कलेजमा पढाउँछन्। दुई सन्तान सूचिमा परे पनि उनी अटाएनन्। यसबाट उनी निकै दुखी छन्। 'अन्तिम एनआरसीमा मेरो बुवाको समेत नाम छ तर मलाई समावेश गरिएन,' ३९ वर्षीय शिक्दरले भने।