मंगलबार, चैत्र १८, २०७६

सामूहिक बलात्कारमा संलग्न तीन पक्राउ

भैरहवा, फागुन ६ : रुपन्देहीको सङ्मगसरी गाउँपालिकामा आइतबार राति १६ वर्षीया किशोरीको सामूहिक बलात्कार भएको छ ।

गाउँमा महायज्ञ चलिरहेको समयमा घरमै बसिरहेकी किशोरीलाई नजिकैको निर्माणधिन भवनमा लगेर बलात्कार गरेको प्रहरीले जनाएको छ । सोमबार इलाका प्रहरी कार्यालय मर्चवारमा पीडितका आफन्तले दिएको जाहेरीको आधारमा प्रहरीले तीन जनालाई पक्राउ गरेको छ । 

प्रहरीका अनुसार पक्राउ परेका युवा तीनै जना २२ देखि २३ वर्ष उमेर समूहका छन् । घटनाबारे थप जानकारी अनुसन्धानपछि मात्र दिइने प्रहरीले जनाएको छ । 

किशोरीको भैरहवास्थित भीम अस्पतालमा उपचार भइरहेको छ ।

 Published Date: Tuesday, 18th February 11:42:05 AM