मंगलबार, असोज १३, २०७७

च्याम्पियन्स लिगको सेमिफाइनलमा पीएसजी 

काठमाडौं, साउन २९ : पेरिस सेन्ट जर्मन (पीएसजी) च्याम्पियन्स लिग फुटबलको सेमिफाइनलमा प्रवेश गरेको छ ।

गए राति भएको खेलमा एटलान्टालाई २ १ ले हराउँदै पीएसजी अन्तिम चारमा प्रवेश गरेको हो । एटलान्टाका पासालिगले खेलको २६ औं मिनेटमै गोल गरेर अग्रता दिलाए पनि हार टार्न सकेन ।

खेलको ९० र थप गरिएको ३ मिनेटमा पीएसजीका मार्किन्होस र चाउपो मोटिङले गोल गरेर खेल आफ्नो पक्षमा पारे । यो सँगै पीएसजी २५ वर्षमा पहिलो पटक च्याम्पियन्स लिगको सेमिफाइनलमा प्रवेश गरेको छ ।

पीएसजीले फाइनल प्रवेशका लागि आगामी मंगलबार एट्लेटिको मड्रिड र आरबी लेइपजिंगबीचको विजेतासँग खेल्नेछ।
 

 Published Date: Thursday, 13th August 2020 1:24:47 am