धारिलो हतियार देखाएर सहिद परिवारका घरमा लुटपाट
जलेश्वर, असोज २३ : डाँकाको एक समूहले शनिबार बिहान सहिद परिवारको घरबाट लाखौँको धनमाल लुटपाट गरेको छ।
महोत्तरी जिल्ला प्रहरी कार्यालयका प्रवक्ता प्रकाश विष्टका अनुसार आज बिहान अन्दाजी ३ बजे चार/पाँच जनाको समूहमा आएका डाँकाले सहिद गणेशप्रसाद चौधरीको छोरा र शहीद रोहन चौधरीको काका विजय चौधरीको घरबाट १० तोला सुनको गहना र २५ हजार रुपैयाँ लुटेका हुन् ।
धारिलो हतियारसहित मास्क लगाएर आएका डाँकाले घरमूली विजय चौधरी बिरामी भएर काठमाडौंमा उपचाररत रहेको मौका छोपी घरभित्र पसेर छोरा रोशन चौधरीलाई नियन्त्रण लिइ लुटपाट गरी भागेका थिए ।
लुटपाट गर्ने क्रममा प्रतिकार गर्दा डाँकाले रोशनलाई टाउकामा हतियारले हिर्काएर घाइते बनाएका थिए। जिल्ला अस्पताल जलेश्वरमा उपचारका क्रममा उनको टाउकोमा ११ वटा टाँका लगाइएको र थप उपचारका लागि प्रादेशिक अस्पताल जनकपुर पठाइएको छ।
प्रकाशित मिति: १४:३५ बजे, शनिबार, असोज २३, २०७८
प्रतिक्रिया दिनुहोस्
थप समाचार
तराईका केही स्थानमा हुरीबतासको चेतावनी, बाँकी भागमा मौसम सफा रहनेबुधबार, वैशाख १२, २०८१
उपनिर्वाचनका लागि आज राति १२ बजेबाट प्रचार गर्न नपाइने बुधबार, वैशाख १२, २०८१
कतारका अमिर र प्रधानमन्त्री प्रचण्डबीच द्विपक्षीय वार्ता हुने बुधबार, वैशाख १२, २०८१
सुदूरपश्चिममा मन्त्रिपरिषद् विस्तार अन्योलमामंगलबार, वैशाख ११, २०८१