अत्यधिक वर्षाको कारण युरोपमा बाढी : १५३ को मृत्यु
बर्लिन, साउन २ : अत्यधिक वर्षाका कारण आएको भीषण बाढीमा परी जर्मनीमा १३३ व्यक्तिको मृत्यु भएको स्थानीय अधिकारीहरुले शनिबार जानकारी दिएका छन् । त्यसैसँगै यस प्रकोपबाट युरोपमा जम्मा १५३ जनाको मृत्यु भएको समाचारमा जनाइएको छ।
धेरै क्षति जर्मनीमा भएको छ भने बेल्जियममा कम्तीमा २० जनाको मृत्यु हुनको साथै हराइरहेका मानिसहरूको सङ्ख्या बढी रहेको बताइएको छ।
जर्मनीको वेस्ट फेलिया प्रान्तका नर्थ राइने बाढीको सबैभन्दा बढी प्रभाव परेको बताइएको छ । यस प्रकोपबाट यहाँ ९० व्यक्तिको मृत्यु भएका बताइएको छ। यस क्षेत्रमा यसअघि नै ४३ व्यक्तिको मृत्यु भएको राज्यका अधिकारीहरुले जानकारी दिएका थिए।
नर्थ राइन वेस्ट फेलियाका प्रमुख आर्मिन लशेटले अति प्रभावित क्षेत्रमा पुगेका बेला मौसमको पराकाष्ठाको निम्ति जलवायु परिवर्तनलाई दोष दिएका छन्।
प्रकाशित मिति: १६:२१ बजे, शनिबार, साउन २, २०७८
प्रतिक्रिया दिनुहोस्
थप समाचार
दक्षिण अफ्रिकामा तिर्थयात्री बोकेको बस दुर्घटना, ४५ जनाको मृत्युशुक्रबार, चैत १६, २०८०
नोबेल पुरस्कार विजेता अर्थशास्त्री डानियलको निधनबिहीबार, चैत १५, २०८०
प्रतिस्पर्धाको अभावले अष्ट्रेलियाको जीवनस्तर तथा उत्पादकत्वमा गिरावट : रिपोर्टबिहीबार, चैत १५, २०८०
बाल्टिमोर पुल दुर्घटना : बेपत्ता ६ कामदारको मृत्युको अनुमानबुधबार, चैत १४, २०८०