जङ्गली हात्तीको आक्रमणबाट घाइते भएका एकको मृत्यु
झापा, चैत ४ : जङ्गली हात्तीको आक्रमणबाट आज बिहान घाइते भएका एक युवकको मृत्यु भएको छ । मृत्यु हुनेमा इलाम देउमाई नगरपालिका–१० ढोडेनी बस्ने १९ वर्षीय कृतिमान खाती छन् ।
उनी आज बिहान बुद्धशान्ति गाउँपालिका– २ मा हात्तीको आक्रमणमा परी घाइते भएको जिल्ला प्रहरी कार्यालयले जनाएको छ। घाइते खातीलाई उपचारका लागि बिर्तामोडस्थित बिर्तासिटी अस्पताल लगिएकामा उपचार सम्भव नभएकाले भद्रपुरस्थित मेची अस्पतालमा सिफारिश गरिएको थियो । मेची अस्पतालमै उपचारका क्रममा उनको मृत्यु भएको प्रहरी कार्यालयका प्रवक्ता राकेश थापाले बताए ।
उनीसँगै अर्जुनधारा नगरपालिका–१ सिस्ने बस्ने १९ वर्षीय मिलन कार्की डोली पनि घाइते भएका थिए । उनको सामान्यावस्था रहेको र बुधबारेस्थित लिभिङ होम पोलिक्लिनिकमा उपचार भइरहेको छ । उनीहरु दुवै ट्याक्टर मजदूर हुन् ।
प्रकाशित मिति: १४:५८ बजे, बुधबार, चैत ४, २०७७
प्रतिक्रिया दिनुहोस्
थप समाचार
अफगानिस्तानले नयाँ दिल्लीको राजदूतावास बन्द गर्याेशुक्रबार, मंसिर ८, २०८०
रास्वपाबाट अलग भइन् उपसभामुख इन्दिरा रानामगर सोमबार, माघ ९, २०७९
आज देशभर धुमधामसँग ईद पर्व मनाइँदैमंगलबार, वैशाख २०, २०७९
आज तमु ल्होसार पर्व धुमधामसँग मनाइँदैबिहीबार, पुस १५, २०७८