कन्सट्रक्शनमा आगलागी हुँदा एक करोड क्षति
कैलाली, फागुन २५ : कैलालीको गोदावरी नगरपालिका—५ गेटा गाउँमा सञ्चालित केएस कन्सट्रक्शनमा भएको आगलागीबाट झण्डै एक करोड रुपैयाँ बराबरको मालसामान जलेर नष्ट भएको छ ।
जिल्ला प्रहरी कार्यालयका प्रवक्ता प्रतीक विष्टले उक्त कन्सट्रक्शनमा आज बिहान भएको आगलागीबाट टायर, ट्युब, मोबिल जस्ता यातायातका साधनमा प्रयोग गरिने मालसामान जलेर नष्ट भएको बताए । धनगढी उपमहानगरपालिका र गोदावरी नगरपालिकाको दमकलको सहायतामा, प्रहरी र स्थानीयवासीको संयुक्त प्रयासमा एक घण्टापछि आगो नियन्त्रणमा लिइएको थियो ।
स्थानीयवासी खडकसिंह पालले सञ्चालन गर्दै आएको उक्त कन्सट्रक्शनमा विद्युत् लाइन सर्ट भई आगलागी भएको अनुमान गरिएको छ । यसअघि गत शनिबार धनगढीको चटकपुरमा रहेको एक फर्निचर उद्योगमा पनि आगलागी हुँदा करोडभन्दा बढीको क्षति पुगेको थियो ।
प्रकाशित मिति: १४:०० बजे, मंगलबार, फागुन २५, २०७७
प्रतिक्रिया दिनुहोस्
थप समाचार
सुदूरपश्चिममा मन्त्रिपरिषद् विस्तार अन्योलमामंगलबार, वैशाख ११, २०८१
सुनसरीको भोक्राहामा आगलागीबाट लाखौंको क्षतिमंगलबार, वैशाख ११, २०८१
कतारका राजा थानीकाे सम्मानमा राष्ट्रपतिकाे रात्रिभोजमंगलबार, वैशाख ११, २०८१
कर्णालीका मुख्यमन्त्री कँडेलले बिहीबार विश्वासको मत लिनेमंगलबार, वैशाख ११, २०८१