शृंखला खतिवडा बनिन् वर्ल्डलिंकको ब्रान्ड एम्बेसेडर

काठमाडौं, फागुन १६ : वर्ल्डलिंक कम्युनिकेशन्स लिमिटेडले पूर्व मिस नेपाल शृंखला खतिवडालाई कम्पनीको सद्भावना दूत (ब्रान्ड एम्बेसेडर) बनाएको छ।

कम्पनीको २५ औँ वार्षिकोत्सवका अवसरमा खतिवडालाई ब्रान्ड एम्बेसेडर बनाइएको हो । ‘नेपालको नम्बर एक ब्रोडव्यान्ड सेवा प्रदायकका रूपमा नेपालभरी गरेको विस्तारित सेवा प्रति वर्ल्डलिंकले गरेको मेहनतको म सराहना गदर्छु,’ सम्झौता पत्रमा हस्ताक्षर गरिसकेपछि खतिवडाले भनिन्, ‘यसको सद्भावना दूत हुन पाएकामा निकै खुशी छु । वर्ल्डलिंक नेपालको सबैभन्दा ठूलो इन्टरनेट सेवा प्रदायक मात्र होइन, डिजिटल नेपाल बनाउनका लागि सबैभन्दा धेरै योगदान पु¥याइरहेको संस्था पनि हो ।’

साथै कम्पनीले समाज हितका विभिन्न क्रियाकलापमा पनि संलग्न हुंदै आइरहेको, नयाँ कामहरू गरिरहेको र उपभोक्ताहरूलाई उत्कृष्ट सेवा दिन उच्च प्रविधिको  प्रयोग गरिरहेको वर्ल्डलिंक नेपालका युवाहरूका लागि प्रेरणाको स्रोत पनि बनिरहेको उनी बताउँछिन् ।

खतिवडासँग काम गरी कम्पनीले सेवाहरुको बारेमा बजारमा सही जानकारी प्रेषित गर्न सकिने जनाएको छ ।