इङ्ग्लिस प्रिमियर लिगको दोस्रो स्थानमा लेष्टर सिटी
काठमाडौं, माघ ४ : साउथ ह्याम्पटनलाई हराउँदै लेष्टर सिटी इंग्लीश प्रिमियर लिग फुटबलको दोस्रो स्थानमा उक्लिएको छ ।
गएराति भएको खेलमा साउथ ह्याम्पटनमाथि २–० को जित निकाल्न लेष्टरका जेम्स म्याडिसन र हार्भे बार्न्सले एक–एक गोल गरे । प्रिमियर लिगकै अर्को खेलमा चेल्सीले फुल्हमलाई १–० ले हरायो ।
१० जनामा सिमित फुल्हमविरुद्ध चेल्सीलाई विजयी गराउन मेसन माउण्टले निर्णायक गोल गरे । गएराति वेष्ट ह्याम युनाईटेडले बर्न्लेलाई १–० ले हराउँदा वेष्ट ब्रोमले वुल्भरह्याम्पटन वान्डरर्सलाई ३–२ ले पराजित गर्यो ।
ब्राइटनले लिड्स युनाईटेडमाथि १–० को जित निकाल्यो । गएरातिका खेलपछि १७ खेलबाट ३६ अंक जोडेको म्यान्चेस्टर युनाईटेड शिर्ष स्थानमा यथावत छ ।
एक खेल बढी खेलेको लेष्टर सिटी ३५ अंकसहित दोस्रो स्थानमा उक्लिंदा तेस्रो स्थानको लिभरपुलको ३३ अंक छ ।
प्रकाशित मिति: ०७:५३ बजे, आइतबार, माघ ४, २०७७
प्रतिक्रिया दिनुहोस्
थप समाचार
वेस्टइन्डिजसँगको सिरिजका लागि नेपाली टिमको घोषणा, आरिफ सेखको पुनरागमनबिहीबार, वैशाख १३, २०८१
शेफिल्डलाई हराउँदै म्यान्चेष्टर युनाइटेड विजयी बिहीबार, वैशाख १३, २०८१
इंग्लिस प्रिमियर लिगमा घरेलु टोली एभर्टनले लिभरपुरलाई हरायो बिहीबार, वैशाख १३, २०८१
बक्सिङ टोली उज्वेकिस्तान प्रस्थानबुधबार, वैशाख १२, २०८१