पेट्रोलमा तारपिन तेल मिसाउने चालक पक्राउ
काठमाडौं, असोज १४ : प्रहरीले पेट्रोलमा तारपिन तेल मिसाएर ठगी गर्ने ट्याङ्कर चालकलाई पक्राउ गरेको छ।महानगरीय प्रहरी वृत्त थानकोटको टोलीले भारतको बरौनीबाट २०...काठमाडौं, असोज १४ : प्रहरीले पेट्रोलमा तारपिन तेल मिसाएर ठगी गर्ने ट्याङ्कर चालकलाई पक्राउ गरेको छ।
महानगरीय प्रहरी वृत्त थानकोटको टोलीले भारतको बरौनीबाट २० हजार लिटर पेट्रोल लिएर काठमाडौं आएको ना ४ ख ३०८५ नम्बरको ट्याङ्करमा तारपिन तेल मिसाउने चालक सचिन सुवेदीलाई मङ्गलबार साँझ आयल निगमको थानकोट डिपोबाट पक्राउ गरेको हो।
वृत्तका प्रमुख प्रहरी नायब उपरीक्षक घनश्याम श्रेष्ठले नक्कली ट्याङ्कीको चाबी प्रयोग गरी चेम्बरको लक खोलेर तारपिन तेल मिसाएको सूचनाका आधारमा सुवेदीलाई पक्राउ गरिएको जानकारी दिए। नेपाल आयल निगम थानकोट शाखाका प्रमुख प्रदीप यादवले पेट्रोलमा ६ सय लिटरभन्दा बढी तारपिन तेल मिसाएर ल्याएकाले कारबाही गरिएको बताए।
दुई साताको अवधिमा आयल निगमले पेट्रोल तथा डिजेलमा मिसावट गर्ने तथा चोरी गर्ने ६ चालकलाई पक्राउ गरी कारबाही गरिसकेको छ।
प्रकाशित मिति: १६:०९ बजे, बुधबार, असोज १४, २०७७
प्रतिक्रिया दिनुहोस्
थप समाचार
सेयर बजारमा झिनो सुधार, नेप्से परिसूचकमा सामान्य वृद्धिबुधबार, वैशाख १२, २०८१
अजित मिजारको हत्यारालाई कारबाही माग गर्दै प्रदर्शनबुधबार, वैशाख १२, २०८१
पर्यटन बोर्डको कार्यकारी अधिकृत छनोटसम्बन्धी कुनै काम नगर्न सरकारलाई आदेशबुधबार, वैशाख १२, २०८१
बागमती प्रदेशसभाको हिउँदे अधिवेशन अन्त्य गर्न सिफारिसबुधबार, वैशाख १२, २०८१