मंगलबार, चैत्र १८, २०७६

शिवरात्रिका साधुसन्तलाई बाँडिदै १० लाख बाटो खर्च

| तस्वीर:काठमाडाैं प्रेस

काठमाडौं, फागुन ११ : शिवरात्रिमा पशुपतिनाथ दर्शनका लागि आएका साधुसन्तलाई बाटो खर्च प्रदान गरिएको छ। यसका लागि पशुपति क्षेत्र विकास कोषले १० लाख रुपैयाँ छुट्याएको छ।

आइतबार बिहानदेखि साधुसन्तलाई बाटो खर्च दिएर विदाइ गर्न थालिएको छ। साधुसन्त मध्ये पनि नागाबाबाले बढी र अन्यले कम खर्च पाउनेछन्।

कोषका अनुसार, प्रत्येक नागाबाबालाई पाँच हजार रुपैयाँ दिइनेछ। त्यस्तै, अन्य बाबालाई एक सय एकदेखि चार हजार रुपैयाँसम्म वितरण गरिन लागेको हो।

साधुसन्तको कार्ड हेरेर बाटो खर्च वितरण प्रदान गरिन लागेको कोषका सदस्य सचिव प्रदीप ढकालले बताए।