सोमबार, चैत्र २४, २०७६

कोरोना भाइरस मानव जातिका लागि जोखिम : राष्ट्रसंघ

काठमाडौं, चैत १३ : संयुक्त राष्ट्रसंघले कोरोना भाइरस (कोभिड १९) सम्पूर्ण मानव जातिका लागि जोखिम भएको बताएको छ ।

राष्ट्रसंघका महासचिव एन्टोनियो गुथ्रेसले सबै मिलेर यसको सामना गर्नुपर्ने उल्लेख जनाएका छन्। कोरोनाको जोखिम विकासोन्मुख मुलुकहरुमा बढी रहेको भन्दै उनले अन्तर्राष्ट्रिय मानवीय सहायताको लागि २ अर्ब डलर सहयोगको अपिल पनि गरेका छन् ।

डिसेम्बर २०१९ मा चीनको वुहानबाट देखिएको भाइरसबाट विश्वभर ४ लाख ५० हजारभन्दा धेरै मानिस संक्रमित भइसकेका छन् भने २० हजार बढीले ज्यान गुमाएका छन् ।

 Published Date: Thursday, 26th March 09:49:47 AM