शनिबार, साउन ३१, २०७७

कानपुरमा डनलाई पक्राउ गर्न गएका डीएसपीसहित आठ प्रहरीको हत्या

हत्या गरिएका डीएसपी देवेन्द्र मिश्रा।

काठमाडौं, असार १९ : भारतको कानपुरमा गुण्डा नाइकेले डीएसपीसहित आठ प्रहरीको हत्या गरेका छन्।

शुक्रबार बिहान उत्तर प्रदेशको कानपुरस्थित गुण्डा नाइके विकास दुबेलाई पक्राउ गर्न गएको प्रहरी टोलीमाथि आक्रमण भएको हो। प्रहरी आएको खबर पाएपछि दुबेले सडकमा जेसीभी राखेर बाटो छेकेका थिए।

उनको घर जाने सडकमा जेसीभीले बाटो छेकेपछि प्रहरीले गाडी रोकेको थियो। त्यसपछि हिडेरै नजिकै रहेको दुबेको घरमा प्रहरी गएको थियो।