शुक्रबार, फागुन १६, २०७६

यसरी हुँदैछ रानीपाेखरी पुनर्निमाण (फोटोफिचर)

पुनर्निमाण भइरहेकाे रानीपाेखरी। | तस्वीर:रिवाज राई

काठमाडौं माघ २९ : भूकम्प गएकै दिन उद्घाटन गर्ने योजनासहित रानीपोखरीको पुनर्निमाण तिव्र गतिमा भइरहेको छ।

रानीपोखरी पुनर्निमाणलाई प्रभावकारी बनाउन दुई भागमा विभाजन गरेर काम भइरहेको छ। एउटा निर्माण कम्पनीले मन्दिर र पुल तथा अर्को निर्माण कम्पनीले पोखरी बनाउने जिम्मा लिइएको थियो। समग्रमा ६० प्रतिशतभन्दा बढि काम सकिएको राष्ट्रिय पुनर्निमाण प्राधिकरणका प्रवक्ता गोपालप्रसाद अर्यालले बताए।

पुलको काम अन्तिम चरणमा पुगेको छ। ८० प्रतिशत काम सकिएको निर्माण व्यवसायी देवरत्न महर्जनले बताए। ‘पुल लगभग फिनिसिङ लेभलमा आइसकेको छ। मन्दिरको काम ४० प्रतिशत सकिएको छ,’ उनले भने। मन्दिर पनि टाइबिम लेभलमा पुगेको उनले बताए।

उनका अनुसार मन्दिर, वरिपरिका फुटपाथ, बगैंचा र पुलको ठेक्का दिइसकिएको छ।  मन्दिरमा १६ वटा काठका पिलरहरु उठाइ सकिएको छ। ४० प्रतिशत काम बाँकी छ। तोकिएको समयमा नै सक्ने गरि काम भईरहेको उनले बताए।